Maður verður líka að vera menningarlegur í London :-)

Fyrir utan Náttúrugripasafnið!
Myndina sendi Eygló

Powered by Hexia

Í London

Það er nú gott að hvíla sig i Hyde Park
Myndina sendi Eygló

Powered by Hexia

London

Jibbí....ég er að fara í skemmtiferð til London á sunnudagsmorguninn. Við, "gamla settið" og miðlungurinn og spúsa hans ætlum að skella okkur saman. Ekki spillir að það kostaði bara 18 kr. fargjaldið aðra leiðina...:-)

Andleysi

Æi,....mikið er maður nú andlaus þessa dagana. Tókst að verða mér úti um hitavellu í annað sinn á stuttum tíma :-(
Nú er hún Hilda mín komin heim úr för sinni til Bahamas, sem endaði sem hálfgerð svaðilför þar sem hún upplifði m.a. fellibyl í öllu sínu veldi. Er að rembast við að fara yfir verkefni nemenda minna þrátt fyrir beinverki og hitaslæðing. Æ. mig auma.......

Orða eða sálfræðingur???

Svei mér þá ef ég á ekki skilið að fá orðu.....eða kannski ætti ég bara að leita til sálfræðings.... mér tókst nefnilega í gærkvöldi að sitja og horfa til enda á kínverska "love story" á ríkisfjölmiðlinum...Lýsingin lofaði svo sem nógu góðu:

Hong Kong-búinn Wong Kar-Wai hefur verið einn athyglisverðasti kvikmyndaleikstjóri Austur-Asíu á undanförnum árum. Í kvöld sýnir Sjónvarpið bíómynd sem hann gerði árið 2000 og kvikmyndaunnendur þekkja ef til vill undir enska heitinu In the Mood for Love. Sagan gerist upp úr 1960 og segir frá manni og konu sem grunar að makar þeirra séu að skjóta sér saman. Þau laðast hvort að öðru en standa frammi fyrir siðferðislega krefjandi vali um hvað gera skuli. Aðalhlutverk leika Maggie Cheung og Tony Leung.

Þeir eru langt frá því að vera í lagi á þeim bænum, að detta í hug að bjóða um á þessa eymd á laugardagskvöldi.....ég held það hafi bara verið vegna Gjábakkaþrjóskunnar sem ég bý yfir (var nefnilega búin að ákveða að ég „ætlaði“ að horfa á sjónvarpið) eða af því ég var of máttfarin af flensunni sem er búin að hrjá mig undanfarna daga að ég stóð ekki upp og slökkti á sjónvarpinu. Ég held líka að ég hafi aksjúlí allan tímann verið að bíða eftir að eitthvað myndi gerast í myndinni, en nei.....yakk...þvílíkur óbjóður...

Ég get víst bara sjálfri mér um kennt.